Avtomobildə qalan iki azyaşlı havasızlıqdan boğulub öldü

İranda iki azyaşlı uşaq avtomobilin içində istidən və havasızlıqdan boğulub ölüb. Avtosfer.az xəbər verir ki, insident Girmanşah şəhərində baş verib. Bu barədə “IRIB” məlumat yayıb.

Məlumata görə, əmiuşağı olan 3 yaşlı qız və 4 yaşlı oğlan, valideynlərdən birinə məxsus “Azsamand” markalı avtomobildə nəzarətsiz qalıblar. 35 dərəcə istidə salonda qalan uşaqlar, avtomobildən enmək istəyiblər, lakin qapı və pəncərələr bağlı olduğundan bunu bacarmayıblar.

Bildirilir ki, valideynləri onların yoxluğundan 2 saatdan sonra xəbər tutublar.

Bir qədər sonra isə onlar hər iki uşağı avtomobildə hərəkətsiz uzanmış halda aşkarlayıblar.

Azyaşlılar dər hal xəstəxanaya çatdırılsalar da, onları xilas etmək mümkün olmayıb.

Namiq Musayev