Avtomobildən atəş açıldı; 1 ölü, 2 yaralı

Kanadada baş verən atışma nəticəsində 1 nəfər ölüb, 2-si isə ağır xəsarətlər alıb. Avtosfer.az xəbər verir ki, insident Torontonun mərkəzində qeydə alınıb. Bu barədə “CBC” telekanalı məlumat verib.

Telekanalın məlumatına görə, yaralılar xəstəxanaya çatdırılıblar. Həkimlər ağır vəziyyətdə olan 15 yaşlı yeniyetmənin, kişinin (21) və qadının (27) həyatda qalması üçün mübarizə aparırlar. Ancaq buna baxmayaraq 21 yaşlı kişinin həyatını xilas etmək mümkün olmayıb.

Polis onların şəxsiyyəti barədə açıqlama verməyib.

Hadisə şahidləri, qəfil hərəkət edən avtomobildən 6 və 7 atəş səslərinin eşitdiklərini bildiriblər.

Hazırda hüquq-mühafizə orqanları tərəfindən araşdırmalara başlanılıb.

Namiq Musayev