Avtomobildən oğurluq edən şəxs saxlanılıb - Binəqədidə

Bakının Binəqədi rayonu ərazisində avtomobildən oğurluq edilib. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, Binəqədi RPİ 43-cü PB əməkdaşlarının keçirdikləri əməliyyat-axtarış tədbirləri nəticəsində Bakı şəhər sakini N.Bilalovun avtomobilindən oğurluq etməkdə şübhəli bilinən İ.Səttarov saxlanılıb. Ətrafında aparılan tədbirlərlə onun bir mağazadan 3000 manat dəyərində ərzaq məhsulları və tütün məmulatı, digər 2 mağazadan isə 9000 manat dəyərində tütün məmulatı, enerji içkisi və generator oğurlaması da müəyyən edilib.

Namiq Musayev