Avtomobili insanların üzərinə sürdülər, sonra da onları döyüb qaçdılar

Almaniyada minik avtomobili naməlum şəxslər tərəfindən insanların üzərinə sürülüb. Avtosfer.az xəbər verir ki, insident Münhen şəhərində qeydə alınıb. Bu barədə iyunun 10-da şəhər polisi “Twitter” hesabından məlumat yayıb.

Məlumata görə, cinayətkarlar avtomobildən düşərək həmin insanları döyüblər və sonra da gəldikləri maşına minərək hadisə yerini tərk ediblər.

Hazırda hüquq-mühafizə orqanları əməliyyat-axtarış tədbirlərinə başlayıblar.

Ölən və ya xəsarət alanların olması barədə məlumat verilmir.

Namiq Musayev