Avtovağzaldan daşınan sərnişinlərin sayı AÇIQLANDI

Bakı Beynəlxalq Avtovağzal Kompleksi (BBAK) bu ilin ilk altı ayının statistikasını açıqlayıb. Qurumdan Avtosfer.az-a verilən məlumata görə, pandemiya səbəbindən BBAK bu ilin ilk üç ayı - yanvar, fevral və mart ayları fəaliyyət göstərib. Bu zaman ərzində ümumilikdə 24 min 932 reys həyata keçirilib ki, bu reyslər üzrə 564 min 340 sərnişin daşınıb: "Bunlardan 1878 reyslə 18 min 783 sərnişin beynəlxalq istiqamətdə, 23 min 54 reyslə, 545 min 557 sərnişin isə şəhərlərarası istiqamətdə yola salınıb".

Qeyd edək ki, ölkədə koronavirus səbəbindən yaranmış vəziyyətə görə, Bakı Beynəlxalq Avtovağzal Kompleksində mart ayının 24-dən etibarən reyslər müvəqqəti dayandırılıb.