AZAL qanvermə aksiyasına qoşulub - FOTO

 Azərbaycanın milli aviadaşıyıcısı Azərbaycan Respublikasının Birinci vitse-prezidenti, Heydər Əliyev Fondunun prezidenti Mehriban Əliyevanın təşəbbüsü ilə başlanan qanvermə aksiyasına qoşulub. Avtosfer.az xəbər verir ki, bu mərhələdə 300-dən çox Azərbaycan aviatoru  qanvermə aksiyasında iştirak edib.

Qanın verilməsi xüsusi cədvələ əsasən, karantin rejiminin tələblərinə riayət olunmaqla həyata keçirilib. 

Qeyd edək ki, könüllü qanvermə aksiyası irsi qan xəstəliklərindən, xüsusən talassemiyadan əziyyət çəkən insanlara kömək etmək məqsədilə Heydər Əliyev Fondu tərəfindən başlanılıb.

Gültən