Azərbaycana qazilərimiz üçün 100 əlil arabası göndəriləcək - FOTO

Hollandiyadan Azərbaycana qazilərimiz üçün 100 əlil arabası göndəriləcək Bu barədə Hollandiya Azərbaycan Türk Kültür Dərnəyinin sədri İlhan Askin öz feysbuk hesabında məlumat verib. “Allaha şükürlər olsun ki, uzun zəhmətdən sonra “KrosMedical CZ” şirkətinin və siz könüllü dostlarımızın dəstəyi ilə Qarabağ qazilərimiz üçün başlatdığımız kampaniya çərçivəsində 100 əlil maşınımız hazırdır. Əgər qismət olsa, iki həftəyə Azərbaycana göndəriləcək. Burada bütün səylərini əsirgəməyən, hətta gömrük prosedurlarının həll olunmasına böyük dəstək verən millət vəkilimiz hörmətli Adil Əliyevə təşəkkür edirik”, - deyə diaspor sədri bildirib.