Azərbaycanda 61 yeni koronavirusa yoluxma faktı qeydə alınıb

Azərbaycanda 61 yeni koronavirus (COVID-19) infeksiyasına yoluxma faktı qeydə alınıb, həmin şəxslər xüsusi rejimli xəstəxanalara yerləşdirilib. Avtosfer.az xəbər verir ki, bu barədə Operativ Qərargahdan məlumat verilib.

Məlumata görə, ümumilikdə ölkədə koronavirus infeksiyasına yoluxan 359 şəxsdən 26 nəfəri müalicə olunaraq sağalıb, 5 nəfər isə vəfat edib, 328 nəfərin xüsusi rejimli xəstəxanalarda müalicəsi davam etdirilir. Onlardan 7 nəfərin vəziyyəti ağır, 17-nin isə orta ağır qiymətləndirilir, digərlərinin səhhəti stabildir.

Bundan başqa, ölkədə müxtəlif karantin zonalarına yerləşdirilən 4518 nəfərin müayinəsi ilə bağlı müvafiq tədbirlər həyata keçirilir. Ötən müddət ərzində yeni yoluxma hallarının müəyyənləşdirilməsi ilə əlaqədar 35 minə yaxın test aparılıb.

Namiq Musayev