Azərbaycanda "Rostselmaş"ın kombaynlarının istehsalına başlanılır

Bu gün "Azərmaş” ASC ilə Rusiyanın Rostov vilayətinin "Rostselmaş" şirkəti arasında Azərbaycanda kombaynların yığılması ilə bağlı müqavilə imzalanıb. Avtosfer.az xəbər verir ki, Müqaviləni imzalayan "Azərmaş” ASC-nin İdarə Heyətinin rəhbəri Emin Axundov "Report"a bildirib ki, "Azərmaş” indi "Rostselmaş" şirkətinin kombaynlarının istehsalına başlayır.

Onun sözlərinə görə, kombaynlar "Hacıqabul Sənaye Məhəlləsində" istehsal ediləcək: "Hazırda Hacıqabul Sənaye Məhəlləsində zavodun inşaası başa çatır. Tezliklə burada kombayn istehsalına başlayacağıq. Kombaynların sayı o qədər də çox olmayacaq".