Azərbaycandan Qazaxıstan istiqamətində bərə daşımaları davam etdiriləcək

Koronovirusla əlaqədar Qazaxıstan Xəzər dənizindəki Aktau və Kurık limanlarına bərə-gəmilərlə daşımalara martın 5-dən tətbiq edəcəyi məhdudiyyət qərarına dəyişiklik edilib. Avtosfer.az xəbər verir ki, bununla bağlı Azərbaycan və Qazaxıstanın aidiyyatı qurumları arasında danışıqlar aparılıb. Danışıqlardan sonra ölkəmizdən bərə gəmilərlə Qazaxıstan istiqamətində daşımalara tətbiq olunan məhdudiyyət qismən aradan qaldırılıb. Belə ki, yük avtomobillərinin daşınmasına olan qadağa aradan qaldırılsa da, minik avtomobillərinin daşınmasına olan qadağa hələ ki qüvvədə alır.
Bununla belə, İrana aid yük və minik avtomobillərinin, eləcə də İran vətəndaşlarının ASCO gəmiləri vasitəsilə Qazaxıstanın Aktau və Kurık limanları istiqamətində daşınmasına yenə də icazə verilməyəcək.
Qərarla əlaqədar olaraq, ASCO sərnişinlərin və yük daşımaq istəyən sahibkarların nəzərinə çatdırır ki, bilet satışı bərpa olunub.
Onu da əlavə edək ki, hazırda ASCO-ya məxsus “Professor Gül” gəmi-bərəsi yükləmə üçün Ələt limanındadır. Yükləmə əməliyyatı və sənədləşmə başa çatdıqdan sonra gəmi Qazaxıstanın Kurık limanım istiqamətinə yola düşəcək.

Gültən Qədirli