Azərbaycanlı sürücü dərman və tibbi ləvazimatları Türkiyəyə çatdırıb - FOTO

TIR sahibi olan azərbaycanlı sürücü Türkiyədə baş verən zəlzələlərdən zərərçəkənlərin ehtiyacları üçün Azərbaycanda dövlət qurumlarının və ölkə vətəndaşlarının dəstəyi ilə toplanan dərman və tibbi ləvazimatları Türkiyəyə çatdırıb.

Avtosfer.az xəbər verir ki, TIR-ın sürücüsü Eldar Xəlilov yığılan yardımı könüllü olaraq şəxsi avtomobili ilə Malatya vilayətinə çatdırıb. Xəlilov təbii fəlakət zonalarında yolların zədələnməsi təhlükəsi ilə əlaqədar olaraq Qara dəniz marşrutu ilə hərəkət edərək Trabzon vilayətində Türkiyə sərhədini keçib. Təxminən 2 min kilometri 48 saatda qət edərək, son varış yeri Malatya oldu. Xəlilov bildirib ki, bütün yol xərclərini özü ödəyib. Dərman və digər tibbi ləvazimatlar Malatyadakı Battalgazi xəstəxanasına verilib.