“Azərenerji”in prezidentinin qardaşına 9 milyon manatlıq tender verildi
“Meliorasiya və Su Təsərrüfatı” ASC-nin tikilməkdə olan meliorasiya və irriqasiya obyektlərinin birləşmiş müdiriyyəti "Azərbaycan rayonlarında su təchizatının yaxşılaşdırılması məqsədilə subartezian quyularının qazılması"(400 ədəd) obyekti tərkibində 356 subartezian quyusunun xarici elektrik təchizatının satın alınması ilə bağlı elan etdiyi açıq tenderlərə yekun vurub.
İndex.az xəbər verir ki, tenderin qalibi "Bakelektro" ASC-dir. Qalib şirkətə 8,888 milyon manat ödəniləcək.
Qeyd edək ki, şirkət 1998-ci ildə dövlət qeydiyyatından keçib. Qanuni təmsilçisi Emin Hüseynağa oğlu Rzayevdir. O, “Azərenerji”in prezidenti Baba Rzayevin qardaşıdır.
Xatırladaq ki, bu il iyulun 30-da Məcburi Köçkünlərin Sosial İnkişaf Fondu Ramana qəsəbəsi ərazisində 1 512 məcburi köçkün ailəsi üçün zəruri sosial-texniki infrastrukturu olan yeni yaşayış məhəlləsinin xarici və sahədaxili elektrik təchizatı şəbəkəsinin tikintisi üzrə keçirilən 4.3 mln manatlıq tenderin qalibi olmuşdu.