“AzSamand”dan qanunsuz spirtli içki və yağ aşkarlanıb

Xızıda avtomobildən aksiz markası olmayan spirtli içki və yağ aşkarlanıb. Daxili İşlər Nazirliyinin (DİN) Mətbuat Xidmətindən verilən məlumata görə, iyulun 22-i saat 2 radələrində Xızı rayonunun Yaşma qəsəbəsi ərazisində Şahbuz rayon sakini E.Nəcəfovun idarə etdiyi “AzSamand” markalı avtomobil Baş Dövlət Yol Polisi İdarəsinin əməkdaşları tərəfindən nəzarət qaydasında saxlanılıb.

Polis əməkdaşları tərəfindən avtomobilə baxış zamanı oradan aksiz markası olmayan 114 ədəd spirtli içki və 130 kq çəkidə yağ aşkar edilərək götürülüb.

Namiq Musayev