Bakı metrosu mayın 11-də açılacaq? - RƏSMİ AÇIQLAMA

"Operativ qərargahdan tapşırıq gəlməyənə kimi, metroların işə salınması fərziyyə olaraq qalır". Bu barədə Buta.ws-ə açıqlamasında "Bakı Metropoliteni" Qapalı Səhmdar Cəmiyyətinin mətbuat xidmətinin rəhbəri Bəxtiyar Məmmədov deyib. "Bizə nə Operativ Qərargahdan, nə də Nazirlər Kabinetindən rəsmi və yaxud qeyri-rəsmi məlumat gəlməyib. Bizdə texnoloji proseslərə, texniki istismar qaydalarına uyğun olaraq müəyyən işlər görülür. Metronun işə salınması mürəkkəb prosesdir. Onu daima işlək vəziyyətdə saxlamaq üçün bir sıra işlər görülməlidir. Metro işləsə də, işləməsə də bizdə bu işlər görülür. Bu xəbər hardan qaynaqlanır bilmirəm, amma bizdə hər şey hazır vəziyyətdə saxlanılır. Operativ qərargahdan tapşırıq gəlməyənə kimi, metroların işə salınması fərziyyə olaraq qalır. Qatarlar, metrolar daima saz vəziyyətdə saxlanılır. Buna nəzarət daima davam edir", - deyə metropoliten rəsmisi bildirib.

Qeyd edək ki, bəzi mətbuat orqanları Bakı metrosu mayın 11-də işini bərpa edəcəyi bildirilib.