Bakı metrosunda TƏHLÜKƏLİ ANLAR: Sərnişindən ağlasığmaz hərəkət - VİDEO - YENİLƏNİB

Daşınan kimyəvi təmizləyici maddənin toz halında olan digər təmizləyici (xlor) maddə ilə reaksiyaya girməsi nəticəsində ani alışma baş verib.

Bu barədə “Bakı Metropoliteni” QSC-nin mətbuat xidmətinin rəhbəri Bəxtiyar Məmmədov bildirib.

O qeyd edib ki, operativ şəkildə müdaxilə edilib, bütün müvafiq təhlükəsizlik tədbirləri görülüb:

“Sərnişinlər arasında xəsarət alan olmayıb. Hazırda araşdırma davam edir. Onu da qeyd edək ki, həmin təmizləyici maddənin metropoliten daxilinə buraxılmasına məhdudiyyət yoxdur”.

***

Bakı metrosunda sərnişin özbaşınalığı təhülkəli vəziyyət yaşadıb.

Bu barədə videogörüntü sosial şəbəkədə paylaşılıb. 

Belə ki, gənc sərnişin qatar hərəkətdə olarkən vaqonlararası keçid qapısını açıb. Bu da yetməzmiş kimi digər vaqona tərəf uzanaraq pəncərəni döyüb, geri qayıdır. Qeyd edək ki, hadisə metronun “Nizami” stansiyasında qeydə alınıb.

Bu vəziyyət digər sərnişinlər üçün də təhlükəli vəziyyət yaradıb.

“Bakı Metropoliteni” QSC-nin mətbuat xidmətindən Oxu.Az-ın sorğusuna cavab olaraq bildirilib ki, yayılan videogörüntülərlə bağlı məsələ araşdırmaya verilib. 

DİN-in Mətbuat Xidmətindən bildiriblər ki, yayılan görüntülərdən məlumatlıdırlar:

“Məsələ ilə bağlı Bakı şəhər Baş Polis İdarəsi Metropolitenində Polis İdarəsində araşdırmalar aparılır”.