Bakıda 17 yaşlı oğlan qonşusunu bıçaqlayıb

Bakıda bıçaqlanma hadisəsi baş verib. Hadisə Lökbatan qəsəbəsi, S. Orucov küçəsində qeydə alınıb.

Qəsəbə sakini, 2003-cü il təvəllüdlü İsmayıl Həsənov münaqişə zəminində qonşusu 1981-ci il təvəllüdlü Oleq Yaqibekovu bıçaqlayıb. Yaralı xəstəxanaya çatdırılıb, onun həyatı xilas edilib. Hadisəni törədən 17 yaşlı İsmayıl Həsənov saxlanılıb. 

Faktla bağlı Cinayət Məcəlləsinin 126.1-ci (qəsdən sağlamlığa ağır zərər vurma) maddəsi ilə cinayət işi başlanıb.