Bakıda avtomobilin vurduğu şəxs evdə vəfat edib

Bakıda yol qəzası baş verib. Hadisə mayın 18-də, saat 15 radələrində paytaxtın Binəqədi rayon ərazisində qeydə alınıb.

Belə ki, 1998-ci il təvəllüdlü Rəşad Şıxəliyev idarə etdiyi BMV markalı avtomobillə hərəkətdə olan zaman piyada keçidinin üzərində yolu keçmək istəyən 1956-cı il təvəllüdlü Zahid Məmmədovu vurub.

Yaralı 1 saylı Kliniki Tibbi Mərkəzə yerləşdirilib, oradan isə digər hospitala köçürülüb. Daha sonra xəstə evə buraxılıb. Z.Məmmədov mayın 21-də yaşadığı mənzildə vəfat edib.

Faktla bağlı Cinayət Məcəlləsinin 263.2-ci maddəsi ilə cinayət işi başlanılıb. (“Report”)