Nazirlər Kabineti: "Dövlət 10 milyon maska ehtiyatını təmin edib"

Azərbaycan bazarı koronavirusa qarşı qoruyucu vasitələrlə, o cümlədən də maskalarla tam təmin olunur.  Bu barədə Nazirlər Kabinetindən məlumat verilib.

Məlumata görə, mayın 12-də 386 min, 13-də 344 min, 14-də 259 min, 15-də 245 min maska satılıb. Karantin rejiminin yumşalması ilə əlaqədar olaraq maskadan istifadənin də artacağı nəzərə alınır. Ölkə gündəlik 450-500 min maska tələbatının ödənilməsinə də hazırdır. Dövlət təqribən 10 milyon maska ehtiyatını da təmin edib.