Bakıda iki nəfərin ölümünə səbəb olan sürücünün məhkəməsi başlayır

Bakıda iki nəfərin ölümü ilə nəticələnən yol-nəqliyyat hadisəsini törətməkdə şübhəli bilinən Natiq Həşimovun cinayət işi üzrə ibtidai istintaq başa çatıb.

Təqsirləndirilən şəxs barəsində toplanan cinayət işi materialları baxılması üçün Bakı Ağır Cinayətlər Məhkəməsinə göndərilib.

Cinayət işi hakim Novruz Kərimovun icraatına verilib.

Qeyd edək ki, hadisə ötən il Suraxanı rayonu Hövsan-Türkan yolunda qeydə alınıb. “Mercedes” və “Nissan” markalı avtomobillərin toqquşub.

Nəticədə 1979-cu il təvəllüdlü Xudaverdiyev Əjdər Firuz oğlu hadisə yerində, 2006-cı il təvəllüdlü Musayev Əli Laçın oğlu isə xəstəxanada ölüb. 

Qəza nəticəsində 1983-cü il təvəllüdlü Həşimov Natiq Bilal oğlu, 1987-ci il təvəllüdlü Fərziyeva Rahidə Eldar qızı, 1989-cu il təvəllüdlü Əsgərzadə Nübar Nurəddin qızı, 1989-cu il təvəllüdlü Xudaverdiyeva Kifayət Aydın qızı, 2014-cü il təvəllüdlü Leyla Xudaverdiyeva, 2011-ci il təvəllüdlü Hüseyn Fərzizadə, 2009-cu il təvəllüdlü Selcan Sultanova, 2011-ci il təvəllüdlü Zümrüd İsgəndərova, 2018-ci  il təvəllüdlü Məhəmməd Salmanov və 2001-ci il təvəllüdlü Hidayət Bəhramov müxtəlif bədən xəsarətləri alıblar.