Bakıda kişi liftin şaxtasına yıxıldı - VİDEO

Bakının Yasamal rayonunda bir nəfər liftin şaxtasına düşüb.

Avtosfer.az xəbər verir ki, bununla bağlı Fövqəladə Hallar Nazirliyindən məlumat verilib.

Bildirilib ki, vətəndaş yarımtikilidə ehtiyatsızlıqdan şaxtaya düşüb və yaralanıb.

Nazirliyinin Xüsusi Riskli Xilasetmə Xidmətinin müvafiq xilasetmə qüvvələri çağırış ünvanına cəlb olunub və o, şaxtadan çıxarılıb.

Yaralı aidiyyəti üzrə təhvil verilib.