Bakıda maşından eynək oğurlayan şəxs tutuldu

Bakıda qadının avtomobilindən oğurluq edilib. 

Avtosfer.az xəbər verir ki, hadisə mayın 21-i paytaxtın Nərimanov rayonu Azadlıq prospektində qeydə alınıb.

Məsələ ilə bağlı Daxili İşlər Nazirliyinin “102” Xidməti-Zəng mərkəzinə daxil olan məlumat əsasında əməliyyat-axtarış tədbirləri həyata keçirilib.

Ərazi üzrə Nərimanov Rayon Polis İdarəsinin (RPİ) 16-cı Polis Bölməsi əməkdaşlarının keçirdiyi əməliyyat-axtarış tədbirləri nəticəsində M.Bünyadovaya məxsus “Kia” markalı avtomobildən şüşəni sındırmaqla 200 manat, eləcə də həmin məbləğ dəyərində eynəyi oğurlamaqda şübhəli bilinən 1996-cı il təvəllüdlü A.Xələfov müəyyən olunaraq saxlanılıb. 

Faktla bağlı araşdırma aparılır.