Bakıda maska taxmayan sakin "ölmək istəyirəm" deyib hücum etdi - VİDEO

Bakı şəhər Baş Polis və Xətai rayon Polis İdarələrinin əməkdaşları rayon ərazisində reyd keçiriblər. Metronun Əhmədli stansiyasının ətrafında baş tutan reyd zamanı yenə də tibbi maskadan istifadə etməyərək qaydaları pozan xeyli vətəndaş aşkar edilib.

Avtosfer.az xəbər verir ki, avtobus dayanacağında tibbi maskadan istifadə etməyən vətəndaş isə "ölmək istəyirəm" deyərək çəkiliş qrupuna mane olmağa çalışıb.

Ticarət obyektlərində işləyən bəzi satıcılar da müştərilərlə ünsiyyət zamanı tibbi maskadan istifadə etmirlər.

İnfeksiyanın daha geniş yayıla biləcəyi yerlərdən biri də ictimai nəqliyyatdır. Nazirlər Kabinetinin qərarına əsasən ictimai nəqliyyatda da tibbi maskalardan istifadə etmək məcburidir. Lakin avtobuslarda bəzi sərnişinlər tibbi maskadan istifadə etsələr də, onların arasında bu qaydaya əməl etməyənlər də var.

Banklar qarşısında növbə gözləyən əksər vətəndaşların da həm tibbi maskadan istifadə etmədiyi, həm də ara məsafə saxlamadığı məlum olub.

Qaydaları pozan şəxslər 50 manat miqdarında cərimə olunublar.