Bakıda "moykada" maşından 15 min manat oğurlandı - Tanınmış müğənnidən ŞOK AÇIQLAMA - VİDEO

Müğənni Zenfira İbrahimova həyat yoldaşı Anar Heydərovun avtomobilindən külli miqdarda pul oğurlanması ilə bağlı sosial şəbəkə hesabında paylaşım edib. O bildirir ki, oğurluq avtoyuma məntəqəsində baş verib: “Paytaxtın Təbriz küçəsində yerləşən avtoyuma məntəqəsində çalışan şəxs yoldaşımın maşınında 15 min manat  pul oğurlayaraq qaçıb. Anar həmin şəxsi tapmasına baxmayaraq, o görüşə gəlməkdən boyun qaçırır. Anarın telefon nömrəsinə mesaj yazaraq “məni polisə verməyin, pulunuzu qaytaracam” deyib. Onun belə deməsinə baxmayaraq, biz bu barədə 18-ci Polis Bölməsinə ərizə ilə müraciət etmişik. Polis əməkdaşları cinayəti törədən şəxsin axtarışı üçün var gücləri ilə çalışırlar. Amma təəssüf ki, cinayətkar hələ də tapılmayıb” - deyə müğənni bildirib.

Zenfira İbarahimova Daxili İşlər Naziri cənab Vilayət Eyvazovdan cinayətkarın tez bir zamanda tapılıb məsuliyyətə cəlb edilməsini və oğurlanmış pulların geri qaytarılmasını xahiş edir.

Könül