Bakıda partlayan su xətti bərpa edilib - YENİLƏNİB - VİDEO

“Bakının Xətai rayonu, Zeytun küçəsində partlamış köhnə su xəttində bərpa işləri aparılıb”.

“Azərsu” Açıq Səhmdar Cəmiyyətinin (ASC) Mətbuat Xidmətinin rəhbəri Anar Cəbrayıllı Avtosfer.az-a açıqlamasında bildirib ki, qurumun Xətai Rayon Su Kanal İdarəsinin qəza briqadası əraziyə yollanıb:

“Ötən gün ərazidə aparılan işlərlə axıntının qarşısı alınıb. Qəzalı boruya xamıt bağlanıb, təkrar hər hansı axıntının olma ehtimalı aradan qaldırılıb”.

02:10

Bakının Xətai rayonu, Zeytun küçəsində içməli su xətti partlayıb.

Xezerxeber.az-ın məlumatına görə, bu ünvanda yaşayan sakinlər iddia edirlər ki, bir aya yaxındır, içməli su küçəyə axır, israfçılığa yol verilir.

Küçəyə axan su Zeytun küçəsinin sakinlərinə də böyük problem yaradır. Belə ki, suyun küçəyə axması nəticəsində ətrafdakı mənzillərə normal təzyiqlə su gəlmir. Bununla yanaşı, içməli suyun küçəyə axması nəticəsində torpaq yolda gölməçələr, palçıq əmələ gəlir. Bu da həm piyadaların, həm də nəqliyyat vasitələrinin hərəkətini çətinləşdirir.

Sakinlər iddia edirlər ki, dəfələrlə aidiyyəti qurumlara şikayət etsələr də, nəticəsi yoxdur.

“Azərsu” Açıq Səhmdar Cəmiyyətindən isə bildirilib ki, həmin əraziyə briqada göndərilib və problem tezliklə həll olunacaq.

Mövzu ilə bağlı daha ətraflı videomaterialı təqdim edirik: