Bakıda qaçırılan avtomobil Cəlilabadda satılıb

Bakıda avtomobil oğurlanıb. Avtosfer.az-ın “Report”a istinadən xəbərinə görə, hadisə ötən il dekabrın 15-i paytaxtın Nizami rayon ərazisində qeydə alınıb.

Belə ki, naməlum şəxs T.Mikayılova məxsus “VAZ-2107” markalı avtomobili qaçırıb.

Daha sonra T.Mikayılov hüquq-mühafizə orqanları əməkdaşlarına müraciət edib.

Nizami Rayon Polis İdarəsinin 24-cü Polis Şöbəsi əməkdaşlarının keçirdikləri əməliyyat-axtarış tədbirləri nəticəsində hadisəsi törətməkdə şübhəli bilinən Cəlilabad rayon sakini, 1993-cü il təvəllüdlü, əvvəllər məhkum olunmuş M.Ağayev tutulub.

Araşdırma zaman məlum olub ki, M.Ağayev qaçırdığı avtomobili 4 gün sonra Cəlilabad rayonunda naməlum şəxsə satıb.

Faktla bağlı araşdırma aparılır.