Bakıda boşanmaq istəyən qadın zorla maşına mindirildi - Həbs olunan var - VİDEO

Xanıma qarşı zorakılıq edən şəxslər saxlanılıb.

Avtosfer.az xəbər verir ki, bu barədə DİN-in mətbuat xidmətindən məlumat verilib.

Araşdırmalar davam etdirilir.

***

Daxili İşlər Nazirliyi Bakıda qadının qaçırılmasına dair görüntülərə münasibət bildirib.

DİN-in mətbuat xidmətinin əməkdaşı, polis mayoru Anar Qafarov Avtosfer.az-a açıqlamasında bildirib ki, görüntülər araşdırılıb:

"Orada əks olunan şəxslər bir ailənin üzvləridir. Xanımı boşanma fikirindən daşındırmaq üçün rəsmi nikahda olduğu ər, xanımın atası və qayınanası onu məcbur edərək rayona aparmağa çalışıblar. Xanım hazırda polis orqanındadır, təhlükəsizliyi təmin edilib. Polis əməkdaşları tərəfindən araşdırmalar davam etdirilir", - deyə DİN rəsmisi qeyd edib.

***

Bakıda qız qaçırılıb.

Avtosfer.az-ın məlumatına görə, hadisə Binəqədi rayonu, 9-cu mikrorayon ərazisində baş verib. 

Görüntülərdə 3 nəfərin qızı zorla "Opel" markalı avtomobilə mindirdiyi görünür.