Bakının bu yolunda sürücülər qaydalara əməl etmirlər - VİDEO

Heydər Əliyev prospektində yerləşən yerüstü piyada keçidinin yaxınlığında əsas yoldan köməkçi yola keçmək üçün nəqliyyat vasitələrinə şərait yaradılsa da, sürücülər qaydaları pozaraq qəza şəraiti yaradırlar. Avtosfer.az xəbər verir ki, bu barədə "Azəryolservis" ASC-dən bildiriblər ki, müvafiq yol nişanlarının qoyulmasına baxmayaraq, sürücülər köməkçi yoldan əsas yola keçərək qaydaları pozurlar, nəticədə qəza şəraiti yaranır. Qeyd edək ki, həmin hissədə ayırıcı zolaq təxminən 60 m məsafədə götürülərək yeni bir hissə salınıb. Ərazidə yol nişanları yerləşdirilərək üfqi nişanlanma işi həyata keçirilib. Bununla da Heydər Əliyev prospektinin əsas yolundan hərəkət edən nəqliyyat vasitələri yeni yaradılan hissədən istifadə etməklə Nizami rayonu 8-ci km qəsəbəsinə rahat hərəkət edə bilərlər.

Fidan