Bakının infrastrukturu belə tədbirlərin təşkilatçılığına imkan yaradır – Braziliyalı MÜTƏXƏSSİS - FOTO

Ümumdünya Şəhərsalma Forumunda iştirak edən Braziliyadan gələn şəhərsalma və geologiya üzrə mütəxəssis Felipe Cruz Akos Litsek WUF13 ilə bağlı fikirlərini bölüşüb.

Avtosfer.az-a müsahibəsində Felipe bildirib ki, Ümumdünya Şəhərsalma Forumu şəhərlərin inkişafında mənzil məsələsinin mərkəzə gətirilməsi baxımından mühüm bir təşəbbüsdür və bu, qlobal şəhərsalma gündəliyində əsas uğurlardan biri kimi qiymətləndirilə bilər.

Onun sözlərinə görə, forum çərçivəsində universitetlər, vətəndaş cəmiyyəti, hökumətlər və digər maraqlı tərəflərin fəal iştirakı şəhərlərin daha dayanıqlı inkişafı üçün mühüm rol oynayır.

Flipe Litsek Bakının bu mötəbər tədbirə ev sahibliyini yüksək qiymətləndirib. O qeyd edib ki, şəhərdə yaradılan müasir infrastruktur və təşkilati-logistik imkanlar bu cür beynəlxalq forumun uğurla keçirilməsinə şərait yaradıb. Qonaq həmçinin WUF13 çərçivəsində əldə etdiyi təcrübədən məmnunluğunu ifadə edərək, forumun qlobal şəhərsalma əməkdaşlığının gücləndirilməsi baxımından önəmli platforma olduğunu vurğulayıb.

Eltac Zülfüqaroğlu