Başqırdıstanda ev yandı; 6 ölü, 1 yaralı – FOTO + VİDEO

Başqırdıstan Respublikasında yaşayış evində baş verən yanğın nəticəsində 6 nəfər dünyasını dəyişib. Avtosfer.az xəbər verir ki, insident mayın 9-da səhər saatlarında Tuymazinsk rayonunda qeydə alınıb. Bu barədə “TASS” agentliyi məlumat yayıb.

Məlumata görə, yanğınsöndürmə briqadalarına, Teymurov qəsəbəsi ərazisində yerləşən 60 kvadratmetrlik yaşayış evinin yanması ilə bağlı məlumat daxil olub. Hadisə yerinə cəlb edilən yanğınsöndürənlər mühafizə zamanı oradan 6 nəfərin meyitini aşkarlayıblar. 1988-ci il təvəllüdlü bir kişi isə xəsarətlər alıb. Ona tibbi yardım göstərilib.

Hazırda yanğın söndürülüb.  

Bildirilir ki, yanğına elektrik naqillərində yaranan qısaqapanma səbəb olub.

Faktla bağlı cinayət işi açılıb, araşdırmalara başlanılıb.

Namiq Musayev