Bərdədə “06”dan marixuana aşkarlanıb
Bərdədə narkotiklərin qanunsuz dövriyyəsi ilə məşğul olan şəxslər saxlanılıblar. Daxili İşlər Nazirliyinin Mətbuat Xidmətindən Avtosfer.az-a verilən məlumata görə, hadisə Kətəlparaq kəndində baş verib.
Məlumata görə, Bərdə RPŞ əməkdaşlarının daxil olmuş məlumat əsasında keçirdikləri əməliyyat tədbiri nəticəsində narkotiklərin qanunsuz dövriyyəsində şübhəli bilinən şəhər sakini, əvvəllər məhkum olunmuş Q.Bədəlov idarə etdiyi “VAZ-2106” markalı avtomobildə sərnişini Soğanverdilər kənd sakini, əvvəllər məhkum olunmuş İ.Bədəlovla birgə kənd ərazisində saxlanılıb. Şəxsi axtarış zamanı onların üzərindən ümumilikdə 12 qrama yaxın, avtomobildən isə 590 qrama yaxın marixuana aşkar edilib.
Davam etdirilən əməliyyat tədbirli ilə İ.Bədəlovun evindən isə 855 qram marixuana aşkar edilərək götürülüb.
Namiq Musayev