Bərdədə köşkdən oğurluq edən şəxslər saxlanılıblar - FOTO

Bərdədə köşkdən oğurluq edən şəxslər saxlanılıblar. Daxili İşlər Nazirliyinin Mətbuat Xidmətinin Bərdə regional qrupundan Avtosfer.az-a verilən məlumata görə, Bərdə rayon sakini Z. Davudov RPŞ-yə ərizə ilə müraciət edərək Ü.Hacıbəyov küçəsində yerləşən ona məxsus köşkdən oğurluq edilməsi barədə məlumat verib. Məlumatla əlaqədar polis əməkdaşları tərəfindən müvafiq tədbirlər görülüb. Keçirilmiş əməliyyat-axtarış tədbirləri nəticəsində oğurluğu törətməkdə şübhəli bilinən rayon sakinləri Elçin Qasımov və Vidadi Əhmədov saxlanılıb. Araşdırmalarla onların köşkün pəncərəsini sındırmaqla içəri daxil olduğu və müxtəlif növ tütün məmulatlarını, danışıq kartlarını, enerji içkilərini, eləcə də təhlükəsizlik kamerasının yaddaş qurğusunu oğurlamaqla zərərçəkmişə 1500 manat dəyərində ziyan vurduqları müəyyən edilib. Dindirilmə zamanı hər iki şəxs törətdiyi cinayət əməlini etiraf edib.

Faktla bağlı Bərdə RPŞ-də cinayət işi başlanılıb, istintaq aparılır.

Namiq Musayev