Beyləqanda mağazadan oğurluq edən şəxs saxlanılıb - FOTO

Aprel ayının 17-də Beyləqan rayon sakini T. Yunisli RPŞ-yə ərizə ilə müraciət edərək ona məxsus mağazadan oğurluq edilməsi barədə məlumat verib. DİN Mətbuat Xidmətinin Bərdə regional qrupundan Avtosfer.az-a verilən məlumata görə, məlumatla əlaqədar Beyləqan RPŞ-nin əməkdaşları tərəfindən müvafiq tədbirlər görülüb. Keçirilmiş əməliyyat-axtarış tədbirləri nəticəsində oğurluğu törətməkdə şübhəli bilinən rayon sakini Dadaşbala Mürşüdov saxlanılıb. Araşdırmalarla onun mağazadan 5 ədəd mobil telefon, 1 ədəd səsgücləndirici və 1 ədəd qulaqcıq oğurlamaqla zərərçəkmişə 1560 manat dəyərində ziyan vurduğu müəyyən edilib. Dindirilmə zamanı o törətdiyi cinayət əməlini etiraf edib.

Faktla bağlı Beyləqan RPŞ-də cinayət işi başlanılıb, istintaq aparılır.

Namiq Musayev