Blinkendən Azərbaycan və Ermənistana ÇAĞIRIŞ

ABŞ dövlət katibi Entoni Blinken həm Ağdam, həm də Laçın yolunun Qarabağdakı erməni əhalisi üçün humanitar yüklərin daşınması məqsədilə eyni vaxtda və dərhal açılmasına çağırıb.

Dövlət katibinin rəsmi şəkildə yayılan açıqlamasında ABŞ-ın bölgədə gərginliyin artmasından narahat olduğu vurğulanır:

"ABŞ Azərbaycan və Ermənistan arasındakı bütün məsələlərin danışıqlar yolu ilə həllinə sadiqdir. ABŞ bir daha bəyan edir ki, irəliyə doğru yeganə yol Ermənistanla Azərbaycan arasında sülh, dialoq və münasibətlərin bir-birinin ərazi bütövlüyünü tanımaları və suveren hüquqlarına hörmət əsasında normallaşdırılmasından keçir".