"Mercedes”dən qanunsuz tibbi ləvazimatlar və dərman preparatları aşkarlanıb - FOTO

Dövlət Gömrük Komitəsinin (DGK) Qərb Ərazi Baş Gömrük İdarəsinin "Qırmızı Körpü" gömrük postunda Gürcüstandan gələn "Mercedes Benz Actros" markalı yük avtomobili saxlanılıb və sürücüsü şifahi sorğu-sual olunub.

DGK-dan Avtosfer.az-a verilən məlumata görə, sorğu-sual zamanı vətəndaş idarə etdiyi nəqliyyat vasitəsində gömrük nəzarətindən gizlədilən və bəyan edilməyən hər hansı predmetin olmadığını bildirib. Daha sonra avtomobilə gömrük baxışı keçirilib.

Yoxlama zamanı nəqliyyat vasitəsinin salonunda 3 ədəd tibbi avadanlıq, 120 ədəd dərman və 110 ədəd tibbi ləvazimat aşkarlanıb.

Faktla bağlı araşdırma aparılır.

Namiq Musayev