“BMW”yə benzin vuran sürücü işçiyə silahla hədə-qorxu gələrək pul ödəməyib

Rusiyanın Moskva şəhərində yanacaqdoldurma məntəqəsinə silahla hücum edən sürücü saxlanılıb. Avtosfer.az yerli KİV-ə istinadən xəbər verir ki, insident martın 21-də səhər saatlarında Belomorsk küçəsində yerləşən yanacaqdoldurma məntəqələrinin birində qeydə alınıb.

Məlumata görə, “BMW” markalı avtomobilin sürücüsü yanacaqdoldurma məntəqəsində, maşınına benzin vurduqdan sonra tapança ilə məntəqə işçisinə hədə-qorxu gəlib və yanacağın pulunu ödəməyərək oranı tərk edib.

Bildirilir ki, artıq polis hadisəni törədən şəxsi yaxalayıb.

Hazırda araşdırma aparılır.

Namiq Musayev