BNA-nın nəzarəti ilə daşıyıcı şirkətlər dezinfeksiya işlərini davam etdirir - VİDEO

Dünyada yayılmış koronavirus epidemiyası ilə əlaqədar, o cümlədən kəskin respirator virus xəstəliklərinin yayılmasının qarşısının alınması məqsədilə Azərbaycanda bir sıra sahələrdə, o cümlədən nəqliyyat sektorunda genişmiqyaslı qabaqlayıcı tədbirlər görülür. Bu tədbirlər çərçivəsində Bakı Nəqliyyat Agentliyinin nəzarəti ilə sərnişin nəqliyyatında insanların həm təmas, həm də hava damcı yolu ilə infeksion xəstəliklərə yoluxmasına qarşı olan dərman preparatları ilə avtobuslar dezinfeksiya edilir.

Nazirlər Kabinetinin 4 mart 2019-cu il tarixli 73 saylı qərarına əsasən gündəlik olaraq, avtobuslar xətdən qayıtdıqdan sonra istehsalat bazasında təmizlənməlidir. Həmçinin, hər bir daşıyıcı mütləq şəkildə iki aydan az olmamaq şərti ilə avtobusların ümumi dezinfeksiyasını təşkil etməlidir.

Bakıda avtobuslarla sərnişin daşınmasını işlərini həyata keçirən şirkətlərdən “Vətən az” firması istismarında olan 36, 46 və 50 saylı marşrutlar üzrə xəttə çıxan avtobuslar hər gün həm təmas, həm də hava-damcı yolu ilə yoluxan infeksion xəstəliklərə qarşı müvafiq qaydada dezinfeksiya olunur. Dezinfeksiya işləri xüsusi məhlullardan istifadə olunmaqla aparılır.

Orxan