Bolqarıstanda yanacaq ehtiyatları sürətlə tükənir

Bolqarıstanda yanacaq ehtiyatları sürətlə tükənir, ölkədə benzin ehtiyatları təxminən 35 günlük, dizel isə 50 günlük qalıb.

Avtosfer.az xəbər verir ki, bu barədə "Reuters" Bolqarıstan Dövlət Ehtiyatlar Agentliyinin nümayəndəsinə istinadən xəbər verir.

Agentliyin məlumatına görə, ölkədə yanacaqla bağlı vəziyyət oktyabr ayının sonlarında ABŞ-nin Rusiyanın iki aparıcı neft korporasiyası - "LUKOIL" və "Rosneft"ə qarşı sanksiyalar tətbiq etdikdən sonra daha da pisləşib.

Bolqarıstanda "LUKOIL" şirkəti bu yaxınlara qədər Burqas şəhərindəki ən böyük neft emalı zavodunu idarə edirdi. Korporasiyaya, həmçinin ölkə üzrə yüzlərlə yanacaqdoldurma məntəqəsi məxsusdur.