BP-nin vitse-prezidentindən koronavirusdan "qorunmaq" üçün iyrənc HƏRƏKƏT - VİDEO

BP-nin Azərbaycan, Gürcüstan və Türkiyə regionunda qurudakı əməliyyatlar üzrə vitse-prezidenti Zaur Paşayev koronavirusdan "qorunmaq" üçün etdiyi hərəkətlərdən sonra ortaya iyrənc görüntüləri çıxıb. Demokrat.az-ın xəbərinə görə, onun etdikləri sosial şəbəkələrdə birmənalı qarşılanmayıb. Belə ki, Z.Paşayev, lifti gözləyərkən rezin əlcək geyinir və onun düyməsini ayağı ilə basır. Liftə daxil olduqdan sonra öz xoşagəlməz rəftarını yenidən davam etdirir. Vitse-prezident liftin içərisində yenidən düyməni əli ilə deyil, ayağı ilə basır.

***

Şirkətin mətbuat katibi Tamam Bayatlı "Qafqazinfo"ya açıqlamasında bildirib ki, yayılan video şirkətin binasında baş verməyib: "Biz araşdırdıq, həmin yer bizim bina deyil, o bizim ofisin lifti deyil. Bəlkə də hansısa yaşayış binasıdır. Videoda görünən şəxsin kimliyini isə araşdırırıq. Amma biz şirkət olaraq kimliyindən asılı olmayaraq bu cür hərəkəti düzgün hesab etmirik".

T. Bayatlı bildirib ki, hazırda Zaur Paşayev gərgin formada iş başında olduğundan onunla əlaqə saxlayıb dəqiqləşdirmə apara bilməyiblər.