Braziliyada sutkada 67,8 min COVID-19-a yoluxma halı aşkar edilib

Braziliyada sutkada yeni növ koronavirus ilə yoluxma hallarının sayı 67 860 nəfər artaraq 2 227 514 nəfərə çatıb. Bu barədə ölkə Səhiyyə Nazirliyinin yenilənən statistikasında deyilir.

Bu, ölkədə epidemiya başlayandan bəri yoluxmuş insanların sayında ən yüksək gündəlik artımdır.

Məlumata əsasən, infeksiyaya yoluxma nəticəsində ölənlərin sayı 1228 nəfər artaraq 82 771-ə çatıb. 1 532 138 xəstə sağalıb, 612 605 nəfər virusun aktiv daşıyıcısıdır.

Ölkənin hər 100 min əhalisinə 1060 yoluxma və 39 ölüm halları düşür. (Trend)