Minalanmış avtomobil partladıldı; 7 ölü, 40-dan çox yaralı - FOTO

Əfqanıstanda minalanmış avtomobilin terrorçu-intiharçı tərəfindən partladılması nəticəsində 7 nəfər həlak olub, 40-dan çox insan isə xəsarət alıb. Avtosfer.az xəbər verir ki, insident mayın 18-də səhər saatlarında Qəzni əyalətində qeydə alınıb. Bu barədə “Tolo News” telekanalı məlumat yayıb.

Telekanalın məlumatına görə, partlayış Milli Təhlükəsizlik İdarəsinin (NDS) əyalət üzrə şöbəsinin yaxınlığında törədilib.

Bildirilir ki, ölənlərin əksəriyyəti NDS işçiləridir.

Ölkənin daxili İşlər nazirliyi baş vermiş hadisəni təsdiqləyib.

Hələlik, Əfqanıstan ərazisində fəaliyyət göstərən heç bir silahlı qruplaşma hücumu öz üzərinə götürməyib.

Namiq Musayev