Saatlıda koronavirusla əlaqədar profilaktiki tədbirlər davam etdirilir - FOTO

Saatlı Rayon Polis Şöbəsinin əməkdaşları tərəfindən koronavirus pandemiyasının əhatə dairəsinin genişlənməsinin qarşısının alınması istiqamətində mütəmadi olaraq tədbirlər davam etdirilir. DİN Mətbuat Xidmətinin Bərdə regional qrupundan Avtosfer.az-a verilən məlumata görə, bu məqsədlə rayon ərazisində maska taxmayan şəxslərlə maarifləndirici səpkidə söhbətlər aparılıb, elan edilmiş sanitar rejimin qaydaları izah edilib. Xüsusi olaraq insanların sıx toplaşdığı ərazilərdə nəzarət gücləndirilib, sosial məsafənin qorunmasının hər bir kəsin sağlamlığı üçün mühüm əhəmiyyət kəsb etdiyi vətəndaşların diqqətinə çatdırılıb. Eləcə də polis əməkdaşları tərəfindən sakinlərə tibbi maskalar paylanılıb.

Namiq Musayev