“Bu həftə iş günü qısaldılmayacaq”

“Bu dəfə sərt karantin rejimi tətbiq ediləcək ərazilər genişləndirilib. Salyan, Kürdəmir, Yevlax və İsmayıllı bu siyahıya əlavə edilib”. Bu barədə Tibbi Ərazi Bölmələrini İdarəetmə Birliyinin (TƏBİB) İdarə Heyətinin sədri Ramin Bayramlı Nazirlər Kabineti yanında Operativ Qərargahın brifinqində çıxışı zamanı deyib.

TƏBİB sədri qeyd edib ki, infeksiyanın yayılması genişləndiyindən həmin yerlər narıncı zonaya daxil edilib. Bu dəfə cümə günü adi iş rejimi olacaq. Şənbə günü isə iş günləri onsuzda qısa olur. Həmin gün 65 yaşdan yuxarı insanların zərurət yaranmadıqca evdən çıxmamağı tövsiyə edirik.