Vilayət Eyvazov generalı vəzifədən azad etdi - Yeni vəzifəyə getdi

Daxili İşlər Nazirliyində növbəti kadr islahatları aparılıb.

 Avtosfer.az-ın unikal.org-a istinadən məlumatına görə, DİN-in Baş Mühafizə İdarəsinin rəisi, polis general-mayoru Yaşar Əliyev tutduğu vəzifədən azad edilib.
Bununla bağlı Daxili İşlər naziri Vilayət Eyvazov əmr imzalayıb.
 Y. Əliyev 2011-ci ildən Azərbaycan Respublikası Daxili İşlər Nazirliyi Baş Mühafizə İdarəsinin rəisidir.

Qeyd edək ki, polis general - mayoru Yaşar Əliyevə Prezident Administrasiyasında yüksək vəzifə verilib.

Avtosfer.az xəbər verir ki, Y. Əliyevə Azərbaycan Respublikası Prezidentinin Administrasiyasının Hərbi məsələlər şöbəsində vəzifə verilib. Bu təyinata qədər Y. Əliyev Daxili İşlər Nazirliyinin Baş Mühafizə İdarəsinin rəisi vəzifəsində işləyib. Prezident Administrasiyasının Hərbi məsələlər şöbəsinin müdiri general-polkovnik Məhərrəm Əliyevdir.