Yevlaxda koronavirusla əlaqədar mübarizə tədbirləri davam etdirilir - FOTO

Koronavirus pandemiyasının əhatə dairəsinin genişlənməsinin qarşısının alınması istiqamətində Yevlax Rayon Polis Şöbəsinin əməkdaşları və Daxili Qoşunların hərbi qulluqçuları tərəfindən gücləndirilmiş iş rejimində xidmət aparılır. DİN Mətbuat Xidmətinin Bərdə regional qrupundan verilən məlumata görə, yoluxma hallarında artım müşahidə olunan bəzi küçə və qəsəbələrdə postlar qurulub, həmin ərazilər tam olaraq nəzarətə götürülüb, giriş-çıxışa məhdudiyyətlər qoyulub. Eləcə də polis əməkdaşları tərəfindən sakinlərlə maarifləndirici səpkidə söhbətlər aparılıb, onlara bu müddət ərzində evdə qalmaqlarının həm öz, həm digər insanların sağlamlıqları üçün mühüm əhəmiyyət kəsb etdiyi vurğulanıb.

Namiq Musayev