Yük daşıyan sürücülər koronavirus testindən keçiriləcək

Gürcüstanda qalan yük maşınlarının sürücüləri ölkədə koronavirusla bağlı test olunacaq hədəf qruplarına daxil ediləcək. Bu barədə ölkənin Xəstəliklərə Nəzarət və İctimai Sağlamlıq Milli Mərkəzinin rəhbəri Amiran Qamkrelidze bildirib. Onun sözlərinə görə, bu məsələ ilə bağlı aidiyyəti dövlət qurumları ilə iş aparılır: “Testdən keçirilmə tranzitlə Gürcüstandan keçən sürücülərə aid edilməyəcək. Yalnız ölkə ərazisində qalan sürücülər yoxlanılacaq. Gün ərzində təxminən 250-300 nəfər testdən keçiriləcək”. (“Report”)