Cəbhə bölgəsində sərxoş sürücü maşını ağaca çırpdı - FOTO

Ağdam rayonunda iki nəfərin xəsarət alması ilə nəticələnən yol qəzası baş verib. Avtosfer.az report-a istinadən xəbər verir ki, hadisə rayonun Bənövşələr qəsəbəsində qeydə alınıb. Qəsəbə sakini Gülməmmədov Nizami Rəhim oğlu evlərinə qonaq gələn tanışının "Mercedes 190" markalı maşınını sürərkən onu qəsəbədə daxili yolun kənarındakı ağaca çırpıb. Nəticədə sürücü və sərnişin ağır bədən xəsarətləri alıblar. Yaralılar Quzanlı qəsəbindəki Rayon Mərkəzi Xəstəxansına yerləşdiriliblər. Həkimlərin sözlərinə görə, hər iki yaralının vəziyəti ağırdır. Qəza nəticəsində avtomobil tamamilə yararsız hala düşüb.

İlkin məlumata görə, avtomaşını idarə edən şəxs sərxoş halda olub və bu səbəbdən də idarəetməni itirib.

Faktla bağlı Rayon Polis Şöbəsində cinayət işi açılıb.