Cəlilabadda xüsusi karantin rejimi ilə bağlı tətbiq olunan qaydalara ciddi nəzarət edilir - FOTO

Elan edilən xüsusi karantin rejim qaydalarının təmin olunması və Nazirlər Kabineti yanında Operativ Qərargahın tələb və tövsiyələrinə uyğun genişmiqyaslı tədbirlər Cəlilabad rayonunda da davam etdirilir.

Bu məqsədilə Cəlilabad Rayon Polis Şöbəsinin əməkdaşları tərəfindən rayon ərazisində koronavirus infeksiyasına qarşı preventiv mübarizə tədbirlərinin gücləndirilməsi məqsədilə insanların, xüsusilə yaşlı sakinlərin evdən çıxmasıyla bağlı qadağalar nəzərə alınaraq, onlarla profilaktiki söhbətlər aparılmaqla yaşadıqları ünvana qaytarılması təmin olunur. Bir daha izah edilir ki, həyata keçirilən bütün tədbirlər sakinlərin təhlükəsizliyinin təmini və onların sağlamlığının qorunması üçündür.

Bu tədbirlərlə yanaşı xüsusi karantin rejimi çərçivəsində bir rayondan digərinə getməklə bağlı qoyulan məhdudiyyətlərlə bağlı olaraq Cəlilabad rayonu ərazisində qurulmuş postlarda da avtomobillər saxlanılır və sürücülər sakini olduqları rayonlara yönləndirilirlər.

Eyni zamanda bütün görülən tədbirlər, tətbiq olunan qaydalarla bağlı olaraq xidməti avtomobillərdə olan səsgücləndiricilər vasitəsilə əhali xəbərdar edilir.