Cənubi Koreyada kimyəvi zavodda yanğın: azı 36 yaralı

Cənubi Koreyada “Lotte Chemical” şirkətinə məxsus kimyəvi zavodda baş verən yanğın və partlayış nəticəsində azı 36 nəfər xəsarət alıb. Avtosfer.az xəbər verir ki, insident Çhunçhon-Namdo əyalətinin Sosan şəhərində qeydə alınıb. Bu barədə martın 4-də “Yonhap” agentliyi məlumat yayıb.

Məlumata görə, yanğın ötən gün axşam saatlarında zavodun neft destilləmə bölməsində başlayıb. Alovlar, 38 yanğınsöndürmə briqadasının köməkliyi ilə təxminə iki saat sonra söndürülüb.

Təhlükəli kimyəvi maddələrin sızması riskinin olmadığı bildirilir.

Yaralılar, təcili tibbi yardım briqadasının köməkliyi ilə ərazidə yerləşən xəstəxanalara çatdırılıblar. Onlardan iksinin vəziyyətinin ağır olduğu deyilir. Ölənlərin olub-olmadığı barədə məlumat verilmir. Hazırda zavodun böyük hissəsi bağlanıb.

Hadisə yerində müstəntiqlər və şirkətin idarəetmə nümayəndələri işləyir.

Namiq Musayev