Çikaqoda baş verən silahlı atışmada – 4 ölü, 4 yaralı

ABŞ-ın Çikaqo şəhərində silahlı atışma nəticəsində 4 nəfər ölüb, daha 4-ü isə xəsarət alıb. Avtosfer.az xəbər verir ki, insident iyulun 5-də gecə saatlarında baş verib. Bu barədə Şəhər polisi məlumat verib.

Məlumata görə, 4 nəfər naməlum şəxs bir qrup insana silahdan atəş açaraq hadisə yerindən qaçıblar.

Bildirilir ki, güllə yarası alan 2 nəfər hadisə yerində, 2-si isə xəstəxanada vəfat edib. Onlardan biri 14 yaşlı yeniyetmə olub.

Hazırda cinayətkarların saxlanılması istiqamətində əməliyyat-axtarış tədbirləri həyata keçirilir.

Namiq Musayev