Çində körpünün sütunu işçilərin olduğu tikilinin üzərinə aşdı: 2 ölü, 4 yaralı

Çinin Fuçzyanı əyalətində inşası davam edən körpünün sütunlarından biri aşıb. Avtosfer.az xəbər verir ki, insident martın 2-də Fuçjou şəhərində qeydə alınıb. Bu barədə ölkənin Mərkəzi telekanalı məlumat yayıb.

Məlumata görə, Cənubi vağzal rayonunda inşaat ərazisində körpünün sütunlardan biri, işçilər üçün tikilmiş müvəqqəti yaşayış evinin üzərinə aşıb. Nəticədə 2 nəfər ölüb, daha 4-ü isə xəsarət alıb.

Hadisənin hansı səbəbdən baş verdiyi açıqlanmır. Yaralılar xəstəxanaya çatdırılıblar, onların səhhətlərinin normal olduğu bildirilir.

Faktla bağlı araşdırmalara başlanılıb.

Namiq Musayev